Lags da far bogn

Ella vischinonza dalla Ruinaulta dat ei treis lags da far bogn. Il Lag la Cauma vala sco la perla dalla destinaziun. El sesanfla amiez igl Uaul da Flem ed impressiunescha cun sia aua blaua turchis. Mo ina cuorta spassegiada e gia arriveis Vus tier il Lag la Cresta cun sia aua clara sco cristal. Il Lag Grond da Laax sesanfla amiez il vitg e porscha tut las emperneivladads d’in bogn aviert classic.

Il Lag la Cauma

Il Lag la Cauma dat en egl e fascinescha cun sia aua frestga blaua turchis. Far bogn el Lag la Cauma s’auda sin mintga bucketlist da stad!

Il Lag la Cresta

Aua clara sco cristal circumdada d’in tschupi da pégns stgir-verd, quei ei il Lag la Cresta. Serinfrestgar el lag ei ina grondiusa finiziun da mintga tura da mountainbike ni excursiun da viandar.

Il Lag Grond

Amiez il vitg da Laax saveis Vus guder bellezia vacanzas da bogn. Cheu dat ei in grond prau per star a sulegl, aua clara ed in panorama muntagnard incredibel.

Terraviva

Referenzen.

Einen Einblick über das Tun und Wirken von Terraviva vermitteln Ihnen die aktuellen und abgeschlossenen Projekte.