INFORMAZIUN IMPURTONTA

La senda da viandar ei serrada

21 d’october 2023

La cavorgia la pli multifara dallas Alps

La Ruinaulta

Scuvri la cavorgia la pli multifara dallas Alps – a pei, cun velo ni sin l’aua. Ella vischinonza dalla Ruinaulta porschan ils uauls, ils lags ed ils vitgs a pign e grond pusseivladads variadas da passar il temps en accord cun la natira.

Temps da protecziun impurtont – 1. d’avrel tochen 15 da fenadur

Aschia savein nus mantener la natira

La Ruinaulta ei la patria da specias d’utschals fetg periclitadas sco il rivarel alpin ed il pivier pign. Els cuan alla riva dil flum sin bauns da glera e train era si leu lur pigns. Sch’els vegnan disturbai duront quei temps, sa quei periclitar lur cuadetsch. Perquei eis ei impurtont che Vus risguardies ils territoris da protecziun per liung dalla Ruinaulta ed il scamond da passar che vala digl 1. d’avrel tochen ils 15 da fenadur. Per proteger ils utschals eis ei impurtont da tener ils tgauns vid la tschenta.
La formaziun

La Ruinaulta

Legi dapli davart la formaziun dalla cuntrada unica ed il spazi da viver genuin dalla Ruinaulta. Las zonas alluvialas e las raveras dalla Ruinaulta suttastattan ad in status da protecziun special e fan part dallas cuntradas d’impurtonza naziunala.
Scuvierer

En ed entuorn il monument natural

Scuvri il monument natural spectacular dallas Alps – a pei, cun velo ni sin l’aua. Era ils uauls, ils lags ed ils vitgs ella vischinonza dalla Ruinaulta envidan da far excursiuns ella natira.
Scuvri la Ruinaulta a pei. Sin sendas da viandar bein mantenidas en ed entuorn la Ruinaulta saveis Vus guder cuntradas multifaras, vestas grondiusas, uauls extendi e fenomens naturals particulars.
Ina vesta spectaculara sin la Ruinaulta porscha a Vus la ruta dil Rein 2 e differentas rutas da bike entuorn ed entuorn la cavorgia. Las turas marcadas porschan bials panoramas, numerus meters d’altezia e trails cun pauc traffic.
La Ruinaulta fa part dils pli bials reviers da canu dalla Svizra. Il torrent da difficultad leva tochen mesauna amiez la cuntrada naturala intacta cun las preits da cavorgia fascinontas permetta da far experientschas unicas ella natira.
La Ruinaulta

Sendas serradas

Pervia dad eveniments naturals sco aua gronda ni prighel da crappa sa ei esser che certas sendas ein serradas. Mo era a caschun dall’occurrenza da trailrunning «Trans Ruinaulta» ein parts dalla senda da viandar denter Valendau e Versomi serradas duront entginas uras.
Puncts culminonts

La bucketlist per la Ruinaulta

Per che Vus munchenties negin punct culminont, havein nus rimnau per Vus ils highlights dalla Ruinaulta en ina bucketlist: sin quella stat denter auter ina tura da riverrafting spectaculara, ina spassegiada alla plattaforma panoramica Il Spir ni in viadi cun igl auto da posta cabriolet.
Excursiun da viandar

Turas cun guidas e guids

Accumpignei ils rangers, guardiaselvaschinas, GeoGuides Sardona ed autras persunas expertas duront in’excursiun d’in miez di.
Excursiun da viandar

Turas cun guidas e guids

Accumpignei ils rangers, guardiaselvaschinas, GeoGuides Sardona ed autras persunas expertas duront in’excursiun d’in miez di.
Torrent

Ina tura da riverrafting

Contemplar la cuntrada impressiunonta naven dall’aua, prender en mira il proxim obstachel e dustar la fom cun in bien picnic.
Torrent

Ina tura da riverrafting

Contemplar la cuntrada impressiunonta naven dall’aua, prender en mira il proxim obstachel e dustar la fom cun in bien picnic.
Excursiun da viandar

Versomi – Valendau

Caminar per liung dil Rein cun sias preits crap e formaziuns da grep fascinontas, tras uauls e sur enclars.
Excursiun da viandar

Versomi – Valendau

Caminar per liung dil Rein cun sias preits crap e formaziuns da grep fascinontas, tras uauls e sur enclars.
Dat en egl

La nixa da Valendau

Sin plaz cadruvi da Valendau sesanfla la pli gronda fontauna da lenn dall’Europa. Ella vegn survigilada d’ina nixa da colur entagliada en lenn.
Dat en egl

La nixa da Valendau

Sin plaz cadruvi da Valendau sesanfla la pli gronda fontauna da lenn dall’Europa. Ella vegn survigilada d’ina nixa da colur entagliada en lenn.
Plattaforma panoramica

Il Spir

La plattaforma panoramica para da sgulatschar sur la cavorgia. Cheu haveis Vus ina vesta unica da 180 grads sur il «Swiss Grand Canyon».
Plattaforma panoramica

Il Spir

La plattaforma panoramica para da sgulatschar sur la cavorgia. Cheu haveis Vus ina vesta unica da 180 grads sur il «Swiss Grand Canyon».
Sin viadi

Bus dalla Ruinaulta

Il minibus colligia la stad las duas varts dalla val e meina Vus en differents loghens da partenza.
Sin viadi

Bus dalla Ruinaulta

Il minibus colligia la stad las duas varts dalla val e meina Vus en differents loghens da partenza.
Informar

La Ruinaulta dad A tochen Z

Per che la cuntrada naturala unica resti mantenida era per las proximas generaziuns, stuein nus tuttas e tuts s’engaschar communablamein. Perquei supplichein nus las visitadras ed ils visitaders da risguardar las reglas da cumpurtament ella natira. Cheu saveis Vus ultra da quei leger dapli davart las incumbensas che nos rangers adempleschan ella Ruinaulta. Nus recumandein da schar igl auto a La Punt/Rehanau ni a Glion, pertgei il viadi el tren tras la Ruinaulta ei in eveniment per sesez.
Natur Knigge
Stad

Reglas da cumpurtament ella natira

Anreise

Stad

Viadi

Ruinaulta1 AMMANN 20210812 61

Stad

Webcam

Sponsurs

Cordial engraziament a nos partenaris/sponsurs: