Ils utschals dalla Ruinaulta
Terraviva
Referenzen.
Einen Einblick über das Tun und Wirken von Terraviva vermitteln Ihnen die aktuellen und abgeschlossenen Projekte.
Il rivarel alpin
Naven digl 1. d’avrel tochen ils 15 da fenadur vegn il rivarel alpin ella Ruinaulta per cuar. Ell’entira Svizra cuan mo aunc ca. 100 pèrs, ver in quart dad els ella Ruinaulta. En cass da prighel banduna igl utschi che cua per tiara siu igniv ed imitescha in utschi blessau per carmalar naven igl inimitg dil cuadetsch ni dils pluscheins. Gia viers la fin da fenadur sgolan ils utschals vinavon en direcziun dall’Africa, lur quartier d’unviern.
Il pivier pign
Noch seltener als der Flussuferläufer ist der Flussregenpfeifer zu Gast in der Rheinschlucht. Der kleine Bodenbrüter legt seine sandfarbenen, gepunkteten Eier einfach in eine Mulde zwischen Kieselsteine. Die Küken sind Nestflüchter und können schon nach 3-4 Wochen fliegen. Zum Überwintern ziehen die Flussregenpfeifer nach Afrika in die Nähe des Äquators.
La merlotscha d’aua
La merlotscha d’aua ei il sulet utschi cantadur che sa senudar e sfunsar. Ella cua en taunas naturalas per liung dad auas che cuoran spert. Aschiditg che l’aua schela buca restan las merlotschas d’aua el medem liug e senutreschan surtut dad animalets che vivan ell’aua. Lur tgierp ei adattaus aschi bein all’aua ch’ellas san schizun ir enqual meter e cantar sut l’aua.
La ballacua da muntogna
La ballacua da muntogna vala sco indicatura per auas currentas schubras e naturalas. Cun siu venter mellen sedifferenziescha ella claramein dalla ballacua alva-nera. Gia baul la primavera s’ignivescha ella en taunas e nischas per liung dils uals e flums cun bia structuras. Ella senutrescha d’insects, da lur larvas e da falians.
Il girun
Il girun ei cun sia ladezia dallas alas dad 1 m il pli grond falcun. El va sulettamein a catscha dad auters utschals. El sederscha cun tochen 250 km/h da siu laghetg sin la preda engartada e tschappa ella el sgol. Ils giruns cuan en nischas da greps, savens els ignivs vegls dils corvs gronds. Ils pigns restan 35-42 dis egl igniv avon ch’els fan las empremas emprovas da sgular.
La hirundella da greppa
Las hirundellas da greppa fan lur ignivs dad arschella aviarts ensiviars en loghens protegi el grep. Malgrad ch’ellas sgolan gia baul duront igl onn els plazs da cuar, entscheivan ellas a cuar pér il matg. Cun manevras da sgol spectacularas fan ellas catscha sin insects sgulonts e restan adina damaneivel dalla greppa. Ils davos onns han ins saviu observar els territoris habitai adina pli savens era ignivs vid baghetgs.
La gaglina da draussa
La gaglina da draussa ei fetg spuretga e pretensiusa e preferescha uauls da coniferas cun bia structuras. Ella ei fetg sensibla encunter disturbis, surtut dils carstgauns. En ed entuorn la Ruinaulta existan treis surfatschas d’uaul per promover la gaglina da draussa cun mesiras forestalas ed autras. Duront il temps da cuar la primavera ei la gaglina da draussa protegida.
